२१, शुक्रवार, तामनगर।
प्रयास बचत तथा ऋण सहकारी संस्था लिमिटेडले संस्थाको दीर्घकालीन लक्ष्य अनुसार आफ्नै कार्यलय भवन निर्माण प्रारम्भ गरेको छ। यहि कार्तिक २१ गते शुक्रवार आयोजित एक कार्यक्रममा संस्थाका अध्यक्ष भीम बहादुर थापाले भूमि पूजन तथा भवन शिलान्यास कार्यक्रम बिधिपुर्वक सम्पन्न गर्नुभयो।
तामनगर चोकदेखि करिब ३०० मिटर भित्र दक्षिण मा यस अघि खरिद गरिएको जग्गामा निर्माण सम्पन्न हुन गैरहेको एक तल्ले कार्यालय भवन करिब रु ५० लाख लागत सहितको योजनामा निर्माण अघि बढाइएको छ।
यस भवन निर्माणले संस्थाको दीर्घकालीन लक्ष्य पूरा गर्ने, सदस्यहरूलाई व्यवस्थित सेवा प्रदान गर्ने र सहकारीको दिगोपनमा सहयोग पुर्याउने विश्वास व्यक्त गरिएको छ। यसले भविष्यमा सदस्यको पहुँच र सेवाको गुणस्तर सुधार गर्ने मात्र नभई सहकारी संस्थाको पहिचानलाई थप मजबुत बनाउने पनि अपेक्षा गरिएको छ।
